Talk:Ngāti Maniapoto

Page contents not supported in other languages.
Nō Wikipedia Māori

Tūmanako[takatā pūtake]

Nō te mea kua tohua tēnei o ngā tuhipānui hei maramara, kua huri ōku whakaaro ki te kōrero mō Rātā me tana rākau. Ko te tūmanako kia waiho te maramara nei mā ngā tāngata matatau ki te reo Māori, ki tērā o ngā taonga o Aotearoa nei, e whakapai i runga i ngā tikanga whakapai, kia tupu ake hei rākau whakaruruhau, hei Tōtara, hei Kauri rānei i te wao-nui-a-Tāne. Tēnā, whakaputaina ō whakaaro ki Wikipedia:Kōrero. Nō reira, tēnā tātou katoa Kahuroa 10:59, 13 Poutū-te-rangi 2007 (UTC)

Kia Whakatika[takatā pūtake]

Kia ora rawa koutou e tuhi i a koutou moohiotanga mo te iwi nei. Heoi anoo, kua kitea ai au he waahanga hei whakatika ai. Tuatahi kaahore a Ngaati Maniapoto he iwi o roto o Waikato, he iwi rerekee raaua tahi. Tuarua maha anoo ngaa maunga ka whakapapa atu ai a ngaati Maniapoto, aa, kiihai au e kitea i roto i eenei tuhinga. Tuatoru he maha ngaa awa anoo atu i te awa o Waikato (ko Mookau, ko Puuniu eetehi) ka whakapapa atu ai a Ngaati Maniapoto. Tuawhaa ki te whakamaarama i te rohe o Ngaati Maniapoto he pai ake pea hei whakamahia i te whakatauki "Mookau ki runga, Taamaki ki raro, Manga Toatoa ki waenganui". Ka whakamaarama teenei (i ngaa raa ki tua) i timata te rohe ki te tonga o Taamakimakaurau, aa i whakamutua ki te tonga o te awa o Mookau. Hei taku waa whakataa au e whakatika haere i te whaarangi nei. Naa Taawhana 130.195.86.40 23:48, 12 Mahuru 2007 (UTC)

Kia ora koe Taawhana. Kāre e kore e tika kia waiho mā te hunga mōhio o ia iwi, o ia iwi e whakatika ngā tuhipānui nei. Ki te taea e koe te whakatikatika haere i ēnei kōrero, ka rawe rawa atu. Kaua e wareware ki te hanga he kaute hou mōu, kia puta tika ai ngā mahi, kia mōhio hoki mātou ko wai koe e mahi pai nā. Kia ora rawa atu koe Kahuroa 23:55, 12 Mahuru 2007 (UTC)