Pakanga o Maunga Kahino
Ko te Pakanga o Maunga Kahino (reo Itāria: Battaglia di Cassino) he putakari i kakari i te Kauhanga Riri Itāria i te Pakanga Tuarua o te Ao. I kakaritia te Putakari ki Maunga Kahino ki Itāria-ki-te-tonga.
Te mahi o Te Hokowhitu a Tū ki te pakanga
[takatā | takatā pūtake]O ngā kakari katoa i kuhu nei te Ope Taua Māori i te Pakanga Tuarua o te Ao, kāore he pakanga i tua atu i te nonoke mō Kahino ki Itāria mō tōna hikareia me tōna utu hoki. Ko Maunga Kahino he maunga paratū 500m nei tōna tāroaroa, kei tōna tihi he ohu whakapono mō ngā pirihi Benedict. Ko te maunga nei e whakaawe ana i te huarahi ki te Riu o Liri. Kei raro nei ko te awa Rapido e rere ana me te taone kaha waongia nei a Kahino. I mua i te taenga mai o Aotearoa, e hia ngā huaki o ngā Hoa Whenua kua makere iho.
I te pō o 17/18 Hui-tanguru i huaki te Ope Taua Māori i te teihana tereina o te taone. Engari kāore i taea e ngā waka taua tautoko te kuhu atu. Nā reira i mate rātou kia whakatahi atu. Taiparatia taumahatia ana rātou e te hoariri i taua wā tonu rā. Tūturu he parekura wehi tēnei mō Kamupene A, B me C hoki. Ko te 128 nei ngā tāngata o e rōpū 200 i whara, i mate, i mauheretia rānei. I huaki anō i Poutū-te-rangi, ā, i taua wā i kitea he whawhai awhero kore, whāiti hoki i waenga i ngā hanganga pākarukaru o te taone. Mutu ana tēnā i whakatahingia a Aotearoa i te timatanga o Paenga-whāwhā. I hinga rawa mai a Kahino e ngā hōia o Pōrana i waenga i te marama o Haratua 1944.[1]