Uruwhenua o Aotearoa
| Uruwhenua o Aotearoa New Zealand passport | |
|---|---|
 Ko te uhi o mua o tētahi uruwhenua koiora o Aotearoa o nāianei  | |
| Momo | Uruwhenua |
| Te Mana Tuku | Template:Flagdeco Te Tari Taiwhenua |
| Putanga tuatahi | 1915 (putanga tuatahi) 1992 (uruwhenua pānui-mihini) 4 Whiringa-ā-rangi 2005 (uruwhenua koiora) 3 Haratua 2021 (putanga onāianei) |
| Pūtake | Tuakiri & haere |
| Whai mana i | Ngā whenua katoa |
| Māraurau | Kiritapu o Aotearoa |
| Rā mutunga | Te pakeke i te rā tono: 15 me raro iho: 5 tau mai i te Rā Tīmatanga 16 me runga ake: 10 tau mai i te Rā Tīmatanga |
| Utu | Pakeke (16+)[1] Auau: $247.00 Whawhati tata: $494.00 Karanga: $1,001.00 Tamaiti (i raro i te 16)[1] Auau: $144.00 Whawhati tata: $391.00 Karanga: $898.00 |
Ko ngā uruwhenua o Aotearoa (Reo Pākehā: New Zealand passport) he kōpaki haere ihuwhenua e kōperea ana e te Tari Taiwhenua ki ngā kiritapu o Aotearoa hei pūtake mō ngā haerenga ki tāwāhi. Tata ki te 70 ōrau o te motu kei a rātou tētahi uruwhenua, ā, tata ki te 2.9 miriona ngā uruwhenua o Aotearoa kei te terea haeretia i tēnei wā.[2]
Te Āhua o Waho
[takatā | takatā pūtake]Te Uhi
[takatā | takatā pūtake]Ko te whakaputanga onāianei o ngā uruwhenua o Aotearoa, i tīmata mai i te marama o Haratua 2021, he pango te tae, ā, kua tāngia te koti patu o Aotearoa ki te hiriwa ki waenga pū o te uhi o mua. Ko ngā kupu "URUWHENUA AOTEAROA" me te "NEW ZEALAND PASSPORT" kua tuhia ki te hiriwa ki runga ake i te koti patu. Kei raro pū o te uhi o mua te tohu koiora paerewa. He mea tāhiri te ponga hiriwa ki te taha o waho o te uhi o mua, me te uhi o muri hoki.
I mua i te marama o Haratua 2021, ko te reo Pākehā te reo i puta tuatahi mai, ka whai mai ko te reo Māori.
Ko ngā uruwhenua māori i whakaputaina i mua i te marama o Whiringa-ā-rangi 2009, he kikorangi poupouri te tae o te uhi.
He Pānui i roto i te Uruwhenua
[takatā | takatā pūtake]Kei roto i ngā uruwhenua tētahi pānui nā te motu whakaputa e anga ana ki ngā mana whakahaere o ētahi atu whenua katoa. Ko tā tēnei pānui, he whakaatu ko wai te kaipupuri hei kiritapu nō taua motu, me te tono kia tukuna ia kia haere mārire, kia manaakitia hoki i raro i ngā paerewa o te ao. Ko te pānui i roto i ngā uruwhenua o Aotearoa, e pēnei ana:
He tono tēnei nā te Kāwana Tianara o te Whenua o Aotearoa, i raro i te mana o Te Arikinui Kīngi Tiāre te Tuatoru, ki te hunga e whaipānga ana, kia kaua e akutōia, e whakakōpekatia rānei te kaipupuri i te uruwhenua nei i āna haere, ā, i te wā e hiahiatia ana, me āwhina ā-ture, me manaaki anō hoki.
Reo Pākehā: The Governor-General in the Realm of New Zealand requests in the Name of His Majesty The King all whom it may concern to allow the holder to pass without delay or hindrance and in case of need to give all lawful assistance and protection.
Ngā Reo
[takatā | takatā pūtake]Ko ngā wāhanga tuhi o ngā uruwhenua o Aotearoa e tāngia ana ki te reo Māori me te reo Pākehā, I mua atu, ko te reo Pākehā me te reo Wīwī.
Whārangi raraunga koiora
[takatā | takatā pūtake]Kei te whārangi raraunga koiora o te whakaputanga onāianei o te uruwhenua o Aotearoa ēnei raraunga:
- Momo (Type): P
- Whenua (Country): NZL
- Tau Uruwhenua (Passport No.)
- Ingoa whānau (Surname)
- Ingoa ake (Given names)
- Iwi tūturu (Nationality): NEW ZEALAND
- Rā whānau (Date of birth)
- Tāne-Wahine (Sex)
- Wāhi whānau (Place of birth)
- (Ko ngā uruwhenua i whakaputaina i muri mai i te marama o Hakihea 2005, ko te tāone anake o te whānautanga ka whakaurua)
- Rā tīmatanga (Date of issue)
- Rā mutunga (Date of expiry)
- Te Mana Tuku (Authority)
Ngā herenga kōkota
[takatā | takatā pūtake]Nō te marama o Hōngongoi 2023, i wātea ngā kiritapu o Aotearoa ki te haere ki ngā whenua me ngā rohe e 187 me te kore tono kōkota, te whiwhi kōkota rānei ina tae atu. E ai ki te Henley Passport Index, kei te tūranga tuarima te uruwhenua o Aotearoa mō te āheinga haere noa i te ao.[3]
Ngā tatauranga haerenga ki tāwāhi
[takatā | takatā pūtake]E whakaatu ana te tūtohi e whai ake nei i ngā kainoho o Aotearoa e hoki mai ana ki Aotearoa i te tau 2024, i muri i tētahi wā i noho atu ai rātou ki tāwāhi mō te iti iho i te 12 marama, e ai ki te whenua matua i toro atu ai.[4]
| Ngā tatauranga haerenga ki tāwāhi | |
|---|---|
| Wāhi toro | Te maha o ngā manuhiri nō Aotearoa |
| Ahitereiria/Pāpaka-a-Māui | 1,225,491 |
| Kuki Airani | 108,590 |
| Whītī | 212,397 |
| Porinīhia Wīwī | 8,977 |
| Niu Karetōnia | 3,497 |
| Niue | 7,985 |
| Hāmoa | 67,212 |
| Tonga | 28,460 |
| Whenuatū | 13,207 |
| Kamapōtia | 5,374 |
| Haina | 150,140 |
| Hongipua | 16,087 |
| Īnia | 101,447 |
| Initonīhia | 84,382 |
| Tiapani/Nipono | 76,297 |
| Kōrea-ki-te-Tonga | 25,133 |
| Marēhia | 23,370 |
| Nepōra | 3,942 |
| Pakitāne | 3,411 |
| Piripīni | 47,889 |
| Hingapoa | 22,575 |
| Hīraka | 11,890 |
| Taiwana | 14,528 |
| Tairana | 44,732 |
| Witināma | 28,691 |
| Ateria | 5,751 |
| Koroātia | 4,104 |
| Wīwī | 21,661 |
| Hāmene/Tiamana | 16,411 |
| Kirihi | 7,337 |
| Aerana | 8,798 |
| Itāria | 32,391 |
| Hōrana | 8,195 |
| Peina/Pāniora | 15,558 |
| Huiterangi | 4,605 |
| Peretānia | 117,968 |
| Āketina | 4,309 |
| Parīhi | 5,679 |
| Kānata | 32,875 |
| Hiri | 4,793 |
| Mēhiko | 6,034 |
| Hononga-o-Amerika | 167,482 |
| Āwherika-ki-te-Tonga | 20,278 |
| Tākei | 5,476 |
| Kotahitanga o ngā Whenua Ārapi | 7,240 |