Taumata-whakatangihanga-kōauau-a-Tamatea-pōkai-whenua-ki-tana-tahu

Nō Wikipedia Māori
Jump to: Papa aratohu, search
Ko te papa pānui tēnei kei te pūtake o Taumata-whakatangihanga-kōauau-a-Tamatea-pōkai-whenua-ki-tana-tahu

Ko Taumata-whakatangihanga-kōauau-a-Tamatea-pōkai-whenua-ki-tana-tahu te ingoa o tētahi taumata puke e 305 mita te teitei, ki te taha tonga o Waipukurau, Wai-rarapa, Te Ika-a-Māui. Ko ngā wāhi e tata ana ki taua taumata ko Mangaorapa, ko Pōrangahau.

Ki ētahi, ko Taumata-whakatangihanga-kōauau-o-Tamatea-turi-pūkaka-piki-maunga-horonuku-pōkai-whenua kē, koia tēnei te ingoa tino roa o te ao, e ai ki te pukapuka a Guiness. He ingoa tēnei nā Ngāti Kere, hei whakamaumaharatanga ki tō rātou tupuna, ki a Tamatea-pōkai-whenua. He maha ngā kōrero mōna; he ariki, he toa. Ko tana tama, a Kahungunu te tupuna o Ngāti Kahungunu, tērā o ngā iwi rongonui o taua rohe mai i Tūranga-nui-a-Kiwa, tae noa atu ki Te Mātakitaki-a-Kupe.

I a ia e haere ana ki te takiwā p Pōrangahau, ka tūpono ia ki te ope a Ngāti Hine, ka tū te pakanga i konei, ko Matanui te ingoa. Ka hinga i konei te teina a Tamatea. Ka puta te aroha o Tamatea mōna, ka noho i reira. Ko tana tikanga he noho ki te taumata rā, whakatangi kōauau ai. Ka mau tonu te waiata tangi a Tamatea, ka waiatatia tonutia ki ngā tangihanga, ki ngā hui.


Hoto ki waho[edit | edit source]

Tohutoro[edit | edit source]

  • Malcolm McKinnon (Kaiwhakatika), Ko Papatuanuku e Takoto Nei (Bateman New Zealand Historical Atlas). Tāmaki-makau-rau: Te Tari Taiwhenua, 1997.