Wīwī

Nō Wikipedia Māori
Jump to: Papa aratohu, search
République Française
Tūwehe Wīwī
Pīwari o Wīwī Tohu o Wīwī
Pīwari Tohu
Pepeha: Liberté, Égalité, Fraternité
“Rangatiratanga, Ōritetanga, Kotahitanga”
Ngaringari:La Marseillaise
Wīwī
Tāone matua
(me te tāone nui)
Parī
Reo a te motu Wīwī
Kāwanatanga
• Āhua Tūwehe Kotahi Āhua-Perehitini
• Perehitini François Hollande (PS)
• Pirimia Manuel Valls (PS)
Whakaūkanga  
• Tū Wīwī 843 (Tiriti o Verdun) 
• Tuhiture nāianei 1958 (Tūwehe 5) 
Mema o te EU 25 Poutū-te-rangi 1957
Rahi
• Katoa 674843 km² (40th)
260558 sq mi 
Taupori
• Hānuere 1, 2008 tau tata
• Total{{{FR_foot}}} 64,473,140[1] (20)
• Wīwī Pātata 61,875,822 (20)
• Kiato 114/km² (89)
295/sq mi
GDP (nominal) 2006 tau tata
• te katoa US $2232 miriona miriona (6)
• mā ia tangata US $35,404 (18)
HDI  (2005) 0.952 (nui) (10)
Moni Euro (EUR,    XPF)
Wāhi taima CET (UTC+1)
• Raumati (DST) CEST (UTC+2)
Tohu ipurangi .fr
Tohu waea +33

Ko Wīwī, arā te Tūwehe Wīwī (“la République française” i te reo Wīwī), tētahi whenua e noho ana ki te hauāuru o Ūropi, ahakoa he rohe, he moutere hoki ōna ki ētahi atu whenua rahi. Ka tapaina auautia te whenua nei e ōna kainoho ko “L’Hexagone” (Te Tapaono) nā te āhuahanga o tōna whenua.

Ka rere a Wīwī mai te Moana Rōwhenua ki te Hawai Ingarangi me te Moana Raki, ā, mai te Awa Rine ki te Moana Atlas. Noho pātata ai a Wīwī (mai te raki, me te matawā) ki a Pehiamu, Rakapuō, Tiamana, Huiterangi, Itāria, Manako, Pāniora me Andorra. Mā ōna tānga tāwāhi ka noho pātata hoki a Wīwī ki a Parīhi me Hurināme (ki te taha o te Guiana Wīwī), ā, ki ngā Antile Hōrana (ki te taha o Hato-Martino). Kua honoa hokia a Wīwī ki te Kīngitanga Kotahi mā te Ana Hawai e rere ana o raro o te Hawai Ingarangi.

Whaihoki ōna rohe me ōna moutere tāwāhi, 675,417 km² tō Wīwī rahinga whenua, ā, 64.5 miriona ōna kainoho. Ko te reo Wīwī te reo whaimana o te tūwehe nei. Atu i te nohoanga kāwanatanga, ko tōna tāone matua, a Parī, te tino wāhi matua, taupori mai, ōhanga mai, tikanga hoki mai.

He kāwanatanga māngai manapori tō te Tūwehe Wīwī, ka whakahaerea hei tūwehe kotahi āhua-perehitini. Kua whakahuaina ōna kawa matua i te Whakapuakanga Tika Tangata. Ko ia tētahi o ngā whenua kaiū i te Kotahitanga Ūropi, te rohe euro me te rohe Shengen, ā, he nui atu tōna rahi whenua i ērā atu mema. He kaiū hoki ia i te Kotahitanga Aohuri, ā, he mema o te Whrankowhoni, te G8, te Whakahaere Ruruku Whakahiato Ōhanga (OECD). Koia tētahi o ngā mema toitū e rima o tō te Kotahitanga Aohuri Kaunihera Maru; he whenua mana uruhanga whākī hoki.

Kei a Wīwī te ōhanga tuarima i te ao. He ōhanga ōhoko tōna, ahakoa te wawaotanga kāwanatanga maha mai te mutunga o te Pakanga Aohuri Tuarua. Mai ngā tau 1980 a te kāwanatanga e puta haere i tōna ōhanga, me te hoko atu i ētahi ūmanga ā-iwi o muri. Ko ia te whenua pōwhiri tuatahi o te ao, me ōna wae tāpoi tāwāhi e 79 miriona ia tau (whaihoki ngā kaūmanga, engari atu i ngā tāngata iti iho i te 24 hāora tā rātou noho ki Wīwī).

Nō ngā rautau 18 me 19 a Wīwī i hanga i tētahi o ngā Emepaea nui rawa o tōna wā, e toro atu ana mai te uru o Awherika ki te tongauru o Āhia, ā, kua āta awe ngā tikanga me ngā torangapū o ēna rohe. Koia rā te mea e kōrerohia tonutia ana te reo Wīwī ki ētahi whenua e 20, nui atu rānei, hei reo tuatahi, hei reo whaimana, hei reo whakahaere rānei.