Peter Chin

Nō Wikipedia Māori
Jump to: Papa aratohu, search
Peter Chin

Ko Peter Chin te tumu o te kaunihera-ā-tāone o Ōtepoti.

Ko Wing Ho tōna ingoa tuku iho, taketake rānei. Ahakoa he whakapapa Hainamana nōna, he roa te wā i noho ai tōna whānau ki Aotearoa, ki tēnei rohe o Āraiteuru hoki. Ka ū mai tōna koroua, ko Chin Bing Kwong i te tau 1906. Ko rātou tētahi o ngā whānau Hainamana tuatahi ki te whakatau mai nei i ngā tau whakaparahako o te tāke upoko.

He tangata hūmarie a ia. He tino kaha ia hei kaiwaiata. He kaitautoko o ngā mahi toi. He mema kaunihera, he roia hoki a Peter Chin i ngā tau kua hipa. Ki ētahi, ko Ōtepoti he tāone mō ki kiritea, engari kei reira ngā kahika tokorua ko Sukhi Turner, ko Peter Chin, he iwi kē. Nō reira, ka taea pea te tāone nei te tautoko i ngā tirohanga rereke, kia tipu ake i raro i te manaakitanga "He tangata, he tangata, he tangata". Mā ngā mahi honohono a Peter Chin, ka whakapiri ngā ahurea o Aotearoa me Haina i te puawaitanga o tētahi mahi piripoho ki a ia, ara ngā mara Hainamana. He maha ngā whakawhitiwhiti whakaaro e pā ana ki tēnei take i Ōtepoti.

Hoto ki waho[edit | edit source]