Ture Reo Māori 1987

Ture Reo Māori 1987 Pāremata o Aotearoa
Kaupapa
Mā tēnei ture e whakatū i te reo Māori hei reo mana-ā-ture mō te motu nei o Aotearoa, e whakatau ake i te whakaae kia kōrero Māori i te kōti ahakoa mema kōti rānei, e whakatū i Te Komihana Mo Te Reo Māori.
Whakatūranga
Whakaaetanga	1987
Whakamanatanga	taua wā tonu
Ture e pā ana
Menemana	1991
Ture hāngai	Ture Tiriti o Waitangi Ture Reo Rotarota
Āhua: Ture o nāianei

Ko te Ture Reo Māori 1987 te ture whakaū i Te Taura Whiri i te Reo Māori. Ka whakamanahia-ā-ture i te Here-turi-kōkā o 1987. E toru ōna kaupapa:

• Ka whakatū i te reo Māori hei reo mana-ā-ture mō te motu nei o Aotearoa.
• Kei ngā kōti, kei ngā Kōmihana uiui me ngā Taraipiunara, e whakatau ake ana tēnei ture i te whakaae kia kōrero Māori i te kōti ahakoa mema kōti rānei, ko wai ake rānei o te kōti, kaituku kōrero, kaiāwhina rānei.
• Ka whakatū rā hoki i Te Taura Whiri i te Reo Māori. Ko tā Te Taura Whiri he whakatairanga i te reo Māori me ngā kaupapa reo; he hikihiki taumata mō te tuhituhi me te kōrero i te reo, arā mā te ara rūmaki, mā te whakamātautau reo, mā te niureta ia toru marama e kīa nei He Muka, ā, me ngā kōrero tautoko mai anō hoki a te hunga mahi kāwanatanga; he whakamana-ā-ture i ngā whakamātautau o te hunga e whai nei i te mahi whakamāori-ā-tuhi, ā-waha rānei; he rangahau huarahi e whakatairangatia ai, e hāpai tonutia ai te ahu whakamua o te reo; te hanga papa kupu. Kia ono anō ngā hui o Te Taura Whiri i ia tau. He tumuākī tō te hunga mahi, ka mutu ko ngā mahi he rangahau, he ārahi ture, he whakahoki tirohanga i ngā mahi whakamāori, he whakatairanga, me ērā atu mahi e homai e ngā Kaiwhiri. Whakapā mai i konei ka whiti rānei ki te wāhi whakahoki kōrero hei tuku kōrero mai rā.

Tohutoro

• C. Barlow, Tikanga Whakaaro. Tāmaki-makau-rau, Oxford, 1991.
• M. Bartlett, 'Tūkaha Te Reo Māori!'. Salient, 24 Hōngongoi 2006.

Hoto ki waho

• Te Ture Reo Māori 1987 (reo Pākehā)
• Ngā ture o Aotearoa (reo Pākehā)