Māori

Nō Wikipedia Māori
Pīwari tino rangatiratanga

Ko ngā Māori te tangata whenua o Aotearoa; koia hoki te ingoa o tō rātou reo.

Ko te tikanga o te kupu Māori, he 'tangata noa', otirā, i roto i ngā kōrero pakiwaitara me ngā kōrero tuku iho ko tana mahi hei whakarerekē i ngā tāngata me ngā atua, ngā kehua rānei. He hononga ētahi i roto i ētahi atu reo Porinīhia, he tauira ko te Hawai'i, ko tōna tikanga, he mea māori, he mea taketake, he tino mea. Koia hoki te ingoa o te iwi me te reo o te Kuki Airani, e mōhiotia ana hei te reo o Rarotonga.

Te iwi Māori[takatā | takatā pūtake]

Ko te iwi Māori, he iwi māia, he iwi whakaaro nui ki te hāpai i to ratōu ingoa.

Te take o ngā tāngata Māori[takatā | takatā pūtake]

Ko te take o ngā tāngata Māori ko Ranginui-e-tū-nā, ko Papa-tū-a-nuku-e-takoto-nei. I noho rāua ki roto ki te pōuri. I pipiri rawa tētahi ki tētahi, nō reira kīhai te marama i puta.

Ka whakatika ko Tāne-mahuta ki te whawhai ki ōna mātua, ka panga tōna upoko ki raro, ko ōna waewae ki runga, nā, kātahi ka mawehe a Rangi rāua ko Papa, aue noa ana, ka heuea te pō, ka heuea te ao, ā, ka kitea te tini tāngata e huna nei ki roto ki te arearenga o ngā poho o Rangi rāua ko Papa.

Kei te aroha tonu te wahine ki tāna Tāne, ko ia te kohu o ngā maunga e rere nā ki runga, ka ringihia hoki ngā roimata e Rangi ki runga ki a Papa.

I piri a Tawhiri-matea ki tōna pāpā ki a Rangi-nui, ko ia anō te hau. Ko ngā ingoa o āna tamariki ko ēnei:

Ko te Hauāuru
Ko te Tonga
Ko te Marangai
Ko te Tuaraki

He nui ōna uri, he nui hoki tōna whawhai ki ōna tuākana.

Tirohia hoki[takatā | takatā pūtake]

Hoto ki waho[takatā | takatā pūtake]