E rima ngā whiti o te waiata nei. Nā Thomas Bracken ngā kupu pākehā i tuhituhi i ngā tau 1870. Nō te tau 1876, ka tū tētahi whakataetae ki te titonga o te rangi; mā te toa e whiwhi i te tekau pauna, me te tekau herengi. Nā John Joseph Woods te rangi; nāna i tuhituhi i te ahiahi i tae mai ai te rongo mō te whakataetae nei. Nō te tau 1848, ka pau te manatārua ki ngā kupu reo Pākehā.
E Ihowa Atua
E Ihowā Atua
O ngā iwi mātou rā
Āta whakarongona
Me aroha noa
Kia hua ko te pai
Kia tau tō atawhai
Manaakitia mai Aotearoa
Ōna mano tāngata
Kiri whero, kiri mā IwiMāoriPākehā
Rūpeke katoa
Nei ka tono ko ngā hē
Māu e whakaahu kē
Kia ora mārire
Aotearoa
Tōna mana kia tū
Tōna kaha kia ū
Tōna rongo hei pakū
Ki te ao katoa
Aua rawa ngā whawhai
Ngā tutū a tata mai
Kia tupu nui ai
Aotearoa
Waiho tona takiwā
Ko te ao mārama
Kia whiti tōna rā
Taiāwhio noa
Ko te hae me te ngangau
Meinga kia kore kau
Waiho i te rongo mau
Aotearoa
Tōna pai me toitū
Tika rawa, pono pū
Tōna noho, tana tū
Iwi nō Ihowā
Kaua mōna whakamā
Kia hau te ingoa
Kia tū hei tauira
Aotearoa
