Nāpori
Ko Nāpori (reo Itāria: Napoli, reo Nāpori: Napule) he taone nui i Itāria.
Hītori
[takatā | takatā pūtake]Ko Nāpori, he tāone toi, e whakatuwhera ana pēnei i tētahi amiphitēā ki te moana, ā, e karapoti ana e Maunga Vesuvius, ngā maunga takutai, ngā moutere o Kapiri, Ihikia me Porokida, me Te Tai o Miseno.[1]
Kei te ngākau o te Moana Mehetereinia, ā, ko Nāpori te tāone matua o te rohe o Campania; i tēnei rā, e 117.27 kiromita pūrua te rahi o Nāpori, ā, e tata ana ki te 1,020,120 ngā tāngata e noho ana.[1]
Kua tino tūtakina tōna hītori; i tīmata te tuatahi o ngā nohoanga o tēnei rohe i te rautau iwa i mua i a Karaiti, tata ki te 3,000 tau ki muri, i te wā i kuhu mai ai ngā kaihokohoko me ngā manuhiri nō Anatolia me Akea ki roto i te takutai kia anga ki ngā pokapū maina o te Moana Tirēnia o runga, ā, ka whakatūria e rātou a Partenope i te rohe e kapi ana i te moutere iti o Megaride (ko Castel dell'Ovo ināianei) me te pito whenua o Monte Echia (ko Monte di Dio me Pizzofalcone o nāianei).[1]
I muri iho, i muri i ngā pakanga, i whakarerehia a Partenope, ā, ka tapaina ko 'Palepolis' (te tāone tawhito).[1]
I te tau 475 i mua i a Karaiti, nā ngā kainoho o Cuma, i whakatūria a Neapolis (te tāone hou) i te wāhanga rāwhiti o te tāone taketake.[1]
I hangaia a Neapolis i runga i tētahi mahere e mōhiotia ana ko te anga rārangi ā Ippodamea, arā ko 'per strigas', he whatunga huarahi i whakaritea ki tētahi tauira rārangi e kitea tonu ana i te tāone o nāianei.[1]
