User talk:Ngahuia
Nau mai, haere mai[takatā pūtake]
He mihi atu tēnei ki a koe i runga i ngā āhuatanga o te wā, i runga hoki i te mōhio, he wā pōuri tēnei mō koutou o Tōmairangi rā. Nō reira, he mihi nui tēnei ki a koe mō ō mahi i konei, me te ripoata mō taua nanakia kino rā. Aue, te mamae me te aroha ki a koutou! Ahakoa te nui o te aroha ki a koutou, ahakoa te pai o āu mahi, he kawa o tēnei paetukutuku, ā, i runga i taua kawa, koia tērā e kī `pēnei ana, ehara tēnei i te nūpepa, he mātāpunenga kē; me te aha, nāku taua ripoata i neke atu ki te whārangi kōrero Talk:Marae. Nō reira Ngahuia, tēnā koe, tēnā koe, tēnā koe. Ko te tumanako, mā te Atua koutou katoa e manaaki, e atawhai i ngā wā katoa. Kahuroa 04:51, 9 Here-turi-kōkā 2006 (UTC)
Nau mai, haere mai![takatā pūtake]
Uea ki a Ranginui e tū iho nei, Uea ki a Papatuanuku e takoto ake nei. Uhi! wero! haramai te toki! Haumi e! hui e! Tāiki e!
Tēnā koe Ngahuia!
Nau mai, haere mai, whakatau mai ki te Wikipedia Māori! Tēnei te tuku atu nei i tā tātou mātāpunenga kia tirotirohia e te katoa. Kei konei ia - ōna piki, me ōna heke, ōna tika me ōna hē - hei tango mā te tangata. Kia ora rawa atu koe mō āu mahi i konei. Ko te tumanako, ka pai ki a koe tēnei paetukutuku. Tēnā koa, tirohia ngā tikanga o tēnei Wikipedia me ngā whakamārama mō te mahi whakatika. He whakamārama atu anō ki Hau Kāinga, ki Tomokanga hapori. Hei tuku mai i ōu pātai, ōu whakaaro rānei, haere ki Kōrero.
He maramara atu anō
- Tēnā koa, hainatia āu mahi i runga i ngā whārangi kōrerorero ki ngā tohu ngaru e whā, kia pēnei: (~~~~); kia puta mārama ai tō ingoa, me te rā i tuhituhi ai koe.
- Hei wāhi parakitihi i ngā mahi whakatika, haere ki te Papa tākaro.
He whakamārama anō ki te Wikipedia Reo Pākehā
- Mō ngā tino tikanga a te Wikipedia (he reo Pākehā), titiro ki The Five Pillars of Wikipedia, ki What Wikipedia is not hoki.
Nō reira, kia kaha, kia māia, kia manawanui!
Robin Patterson 06:19, 9 Here-turi-kōkā 2006 (UTC)
Tūmanako[takatā pūtake]
Nō te mea kua tae ngā tuhipānui ki te 600, ko te tūmanako kia tae mai ngā tāngata matatau ki te reo Māori o Aotearoa nei, mā tātou e whakapai te mātāpunenga nei i runga i ngā tikanga whakapai, kia tupu ake hei rākau whakaruruhau, hei Tōtara, hei Kauri rānei i te wao-nui-a-Tāne. Tēnā, whakaputaina ō whakaaro ki Wikipedia:Kōrero. Nō reira, tēnā tātou katoa Kahuroa 04:59, 13 Poutū-te-rangi 2007 (UTC)