Ohomairangi
He arikinui, he amokapua a Ohomairangi nō Hawaiki. Nāna i whakangungu ai, i tiaki ai i te marae o Taputapuatea. Ko tōna whaea ko Kuraimonoa, te wahine o Toi, engari ko tōna matua ko Puhaorangi he tupua nō ngā rangi tūhāhā. E ai ki te kōrero, i tētehi wā ka heke mai a Puhaorangi ki te whenua, ā, ka kitea e ia a Kuraimonoa, he wahine tino purotu. Ka heke iho ia ki a Kuraimonoa, ia pō, ia pō, ā, ka hapū te wahine nei.
Ngā Ohomairangi
[takatā | takatā pūtake]Ka heke i a Ohomairangi te iwi e kīa nei ko Ngā Ohomairangi. Ko te tamaiti a Ohomairangi ko Muturangi; nā Muturangi ko Taunga; nā Taunga ko Tuamatua. Ka moe a Tuamatua i a Waiheketua, ka puta ko Rakauri. Ka moe a Tuamatua i a Ōkarikaroa, ka puta ko Houmaitawhiti.